Үцүномияагаас эрхээ авч чадаагүй багууд тавдугаар сарын 16-нд Унгарт сүүлийн тэмцээн болно. Тухайн тэмцээнээс гурван баг олимпийн эрхээ авах юм байна.
Парисын олимпийн 3х3 сагсан бөмбөгийн эрх олгох хоёр дахь тэмцээн гурав хоногийн өмнө /2024.05.03/ Японы Үцүномияа хотод эхэлсэн. Тус тэмцээнд түрүүлсэн баг нь олимпын эрх авах байв. Эрэгтэйчүүдийн ангилалд Нидерландын шигшээ баг шигшээд Литвагийн шигшээг 19:15-аар буулган авчээ.
Ийнхүү "Парис 2024" олимпын эрхийг одоогоор Нидерланд, АНУ, Серб, БНХАУ, Латви улс аваад байна.
Харин эмэгтэйчүүдийн ангилалд австрали хүүхнүүд Канадын шигшээг 19:16-гаар буулган авлаа. Ингэснээр Франц, АНУ, БНХАУ болон Азербайжаны шигшээгийн хамт олимпод оролцох болзлоо хангажээ.
Монголын эрэгтэй шигшээ багийн хувьд энэ удаагийн тэмцээнд дөрөвдүгээр байрт орлоо.
Үцүномияагаас эрхээ авч чадаагүй багууд тавдугаар сарын 16-нд Унгарт сүүлийн тэмцээн болно. Тухайн тэмцээнээс гурван баг олимпийн эрхээ авах юм байна.
