Баянгол дүүргийн эрүүгийн хэргийн анхан шатны шүүхээс өнөөдөр “Ice Top” хамтлагийн гишүүн С.Чулуунбаярт/Коби/ нэг жилийн хорих ял оноосон байна.
Түүнийг Эрүүгийн хуулийн 20.7.1-д заасан буюу мансууруулах эм, сэтгэцэд нөлөөт бодисыг хууль бусаар ашиглах үндэслэлээр гэм буруутайд тооцсон болохыг тус шүүхээс мэдээлэв.
Эрүүгийн хууль:
20.7 дугаар зүйл.Мансууруулах эм, сэтгэцэд нөлөөт бодисыг хууль бусаар ашиглах
1.Хориглосон мансууруулах эм, сэтгэцэд нөлөөт бодис, тэдгээрийн түүхий эдийг худалдаалах зорилгогүйгээр хууль бусаар бэлтгэсэн, хадгалсан, бусдад өгсөн, олж авсан бол нэг жилээс таван жил хүртэл хугацаагаар зорчих эрхийг хязгаарлах, эсхүл нэг жилээс таван жил хүртэл хугацаагаар хорих ял шийтгэнэ.
