УИХ дахь АН-ын бүлгээс мэдээлэл хийлээ.
Энэ үеэр АН-ын дарга Л.Гантөмөр "2015 онд бид ҮХНӨ хийхээр өргөн барьж байсан. 47 гишүүн гарын үсэг зурсан байдаг. Монгол Улс парламентийн засаглалтай улс больё гэж байсан. Өргөн барьж чадаагүй. Энэ бол шинэ зүйл биш гэдгийг ойлгоорой. 2019 онд 99 гишүүнтэй байх саналыг гаргаж байсан. Тиймээс өнөөдөр гэнэт МАН-тай үгсэн тохиролцоод ч юм уу, улс төрийн намууд хуйвалдаад хийж байгаа зүйл биш. Монгол Улсын хэмжээнд олон жил яригдсан зүйлийг одоо шийдэх нь зөв л гэж бодож байгаа юм" гэлээ.
Хууль Зүй, Дотоод Хэргийн сайд асан Х.Тэмүүжин "ҮХНӨ-ийн асуудал яригдах гэж байгаа бол манай намын зүгээс таван багц сэдвийн хүрээнд 18 саналыг гаргана.
- Иргэний амьд явах эрхийг зүй бусаар хязгаарласан зохицуулалтыг Үндсэн хуулиас хасах
- Эрх мэдлийн хуваарилалтыг сайжруулах, сонгуулийн тогтолцоог боловсронгуй болгох
- Шүүхийн тогтолцоог олон улсын жишигт хүргэх замаар хүний эрхийг хамгаалах
- Иргэний үндсэн эрх, эрх чөлөөг зөрчиж байгаа бол Үндсэн хуулийн цэцэд гомдол гаргах эрхийг нээх
- Үндсэн хуулийг ойрхон өөрчлөөд явах нь дархлааг нь сулруулж байна гэсэн санаачилгыг гаргасан байгаа" гэлээ.