Төрийн байгуулалтын байнгын хорооноос өнөөдөр Улс төрийн намын тухай хуулийн шинэчилсэн найруулга, Монгол Улсын Их Хурлын Сонгуулийн тухай хуульд нэмэлт, өөрчлөлт оруулах тухай хуулийн төслүүдийн хэлэлцүүлгийг Төрийн ордны "Их эзэн Чингис хаан" тэнхимд зохион байгуулж байна.
Хуулийн төслийн хэлэлцүүлэгт УИХ-ын дарга Г.Занданшатар, ТББХ-ны дарга Н.Энхболд, УИХ-ын гишүүн Д.Тогтохсүрэн, ЕТГ-ын дарга Я.Содбаатар, ЗГХЭГ-ын дарга Д.Амарбаясгалан нар оролцож байна.
УИХ-ын дарга г.Занданшатар: Хүний эрх, эрх чөлөөг эрхэмлэсэн, хүмүүнлэг, ардчилсан нийгмийг илүү төгөлдөршүүлэх цаг үеийн шаардлагаар өнгөрсөн хугацаанд иргэд, олон нийтийн санал бодлыг гурван үе шаттайгаар сонсож, хэлэлцлээ. Дэлхийн дахины шинэ хэв журам, геополитикийн нөхцөл байдал, үнийн өсөлт, авилга хээл хахууль зэрэг нийгмийн өмнө тулгамдсан асуудлуудыг цогцоор нь шийдвэрлэхийн тулд тогтолцоог нь өөрчлөх ёстой гэдэгт санал нэгдсэн.