Сар шинийн баярын дараа ул боов, гурилан бүтээгдэхүүнээ хэрэглэхгүй хаядаг айл цөөнгүй. Тэгвэл Баянзүрх дүүргийн ЗДТГ-аас тавгийн идээ, гурилан бүтээгдэхүүнээ хэрэглэхгүй бол хэрэгтэй нэгэнд нь өгөх арга хэмжээ зохион байгуулахаар болжээ. Тавгийн идээ, гурилан бүтээгдэхүүнээ өгөхийг хүссэн иргэд өнөөдрөөс эхлэн гуравдугаар сарын 4-ний өдөр хүртэл хариуцсан хэсгийн ахлагчтайгаа холбогдон хороон дээрээ хүргэж өгөх боломжтой гэнэ.
Баянзүрх дүүргийн хороодод цугларсан тухайн бүтээгдэхүүнийг зорилтот бүлгийн иргэдэд тараах эсвэл дахин боловсруулах юм байна.
