УИХ-ын Эдийн засгийн байнгын хорооны хуралдаанаар Монгол Улс, Азийн дэд бүтцийн хөрөнгө оруулалтын банк хоорондын Зээлийн хэлэлцээр (Мөчлөг сөрсөн бодлогын арга хэмжээг дэмжих хөтөлбөр)-ийн төслийг зөвшилцлөө.
Энэ үеэр УИХ-ын гишүүн Н.Ганибал байр сууриа илэрхийллээ.
Тэрбээр... "Валютын нөөцөө бүрдүүлэх гээд зээл авдаг улс орон байхгүй байх. Монгол Улсын иргэн бүр 30 сая төгрөгийн өртэй болсон. МАН энэ өрийг багасгана гэсэн ч дахиад зээл авах тухай ярьж суух нь утгагүй. Засгийн газар маш сайн ажиллаж байгаа гэж мэдээлэл өгсөн. Валютын нөөцийг нэмэх тал дээр дорвитой арга хэмжээ авч болохгүй байгаа юм уу. Нүүрсний хулгайгаа илрүүлж оффшорт байгаа мөнгийг оруулж ирэх ажлыг зохион байгуулсан нь дээр" гэдэг байр суурийг илэрхийллээ.
