Африкийн Уганда улсад нийт 115 хүн гоц халдварт Эбола вирусээр өвчилж 32 хүн нас барсан талаар ДЭМБ мэдээлжээ.
Эболо вирус Угандагийн төвийн гурван дүүрэгт тархсан бөгөөд тус улсын Эрүүл мэндийн яамны шуурхай хариу арга хэмжээ авах багууд батлагдсан тохиолдлуудыг газар дээр нь хянаж ажиллаж байгаа аж. Мөн чухал ажил байхгүй бол хүмүүсийг гадуур гарахыг, олон нийтээр цугларахыг хоригложээ.
Эбола бол маш ховор, үхлийн аюултай бөгөөд халдвар авсан хүний биеэс гадагшилсан шингэнээр дамжиж халдварладаг. Харин агаар дуслын замаар халддаггүй хэмээн АНУ-ын Өвчний хяналт, урьдчилан сэргийлэх төв (CDC) мэдэгдсэн байна. Мөн одоогоор эболагийн эсрэг батлагдсан эмчилгээ байхгүй бөгөөд эрдэмтэд тохирох вакциныг гаргаж авч чадаагүй байгаа юм.
Сануулахад, Угандад өмнө нь эбола вирусийн дөрвөн удаагийн дэгдэлт гарч байсан бөгөөд хамгийн олон хүн нас барсан нь 2000 онд болсон ба 200 гаруй хүн эбола вирусээр өвчилж, нас барсан юм.
Эх сурвалж: CNN
