ШУА-ийн Философийн хүрээлэн байгуулагдсаны 50 жилийн ойд зориулан “Монголын хөгжлийн философи, сэтгэлгээний өөрчлөлт” Олон улсын эрдэм шинжилгээний хурал зохион байгуулагдаж байна. Хурал 2022 оны 09 дүгээр сарын 22-ны өдөр “Holiday Inn” зочид буудлын 19 давхрын хурлын танхимд болох юм байна. 

Хүмүүнлэгийн ухааны салбар хуралдаан:

• Монголын нийгмийн хөгжлийн философи, монголчуудын сэтгэлгээний өөрчлөлт;
• Монгол дахь дорнын болон өрнийн философийн судалгаа, арга зүй, чиг хандлага;
• Монгол дахь шашин судлалын үүсэл;

Нийгмийн шинжлэх ухааны салбар хуралдаан:

• Өнөөгийн монголчуудын тусгаарлагдалт
• Монгол болон Орос дахь албан бус хөдөлмөр эрхлэлт;
• Монгол дахь улс төр, эрх зүйн судалгааны төлөв, хандлага;
• Орос-Монголын харилцаа, соёл иргэншлийн хандлага.

“Монголын хөгжлийн философи, сэтгэлгээний өөрчлөлт” Олон улсын эрдэм шинжилгээний хуралд ШУА-ийн Философийн хүрээлэн, ШУА-ийн Тэргүүлэгчдийн газар, ОХУ-ын ШУА-ийн Социологийн хүрээлэн болон Сибирийн салбар, Алс дорнодын холбооны ИС, Буриадын Улсын ИС, БНХАУ-ын Өвөр монголын Багшийн ИС, МУ-ын Төрийн албаны зөвлөл, МУИС-ийн Шинжлэх ухааны сургууль, Улс төрийн боловсролын академийн эрдэмтэн судлаачид илтгэл хэлэлцүүлнэ. Түүнчлэн ШУА-ийн хүрээлэнгүүд, төрийн байгууллагууд, Их, дээд сургууль, судалгаа шинжилгээний хүрээлэнгийн эрдэмтэн судлаачид оролцохоор болжээ.