Сүхбаатар аймгийн 80 жилийн ойд зориулан тус аймгийн ЗДТГ, Соёл, Урлагийн газраас "Талын түрлэг" хүндэтгэлийн тоглолтыг энэ сарын 12-д зохион байгуулах гэж байна.
Тоглолтод, Сүхбаатар аймгаас гаралтай уран бүтээлчдээс гадна 13 сумын ардын авъяастан, соёлын биет бус өвийг өвлөн уламжлагчид оролцоно.
Тодруулбал, МУАЖ Ш.Чимэдцэеэ, МУАЖ Ч.Батсайхан, МУСТА О.Хүрэлбаатар, МУСТА Д.Осгонбаяр, МУСТА А.Мөнхбат нарын болон ЦДБЭЧ-ын үндэсний найрал хөгжим, бүжигчид, Үндэсний урлагийн их театрын бүжигчид, Жаахан шарга театрын уран бүтээлчдийг оролцуулж, "Сүхбаатар-80" урлагийн наадмын шилдэг үзүүлбэрүүдийг мөн багтаажээ.
Тоглолт энэ сарын 12-нд Нийслэлийн Соёлын төв өргөөнд хоёр удаа болно.
