Уншиж байна...
НӨАТ-ын буцаан олголтын мөнгийг иргэдийн данс руу шилжүүлж эхэлжээЖ.Болдбаатар: Хуулийн уламжлалыг хадгалж, сайн үзэл баримтлалыг шинэчлэн, хуульд тусгах нь эрх зүйн хөгжлийн зүй тогтол юмГурав дахь тунд хамрагдсанаар нас баралт болон хүндээр өвчлөх эрсдэл буурнаУлаанбаатар театрын дүрмийн төслийг танилцууллааГазар эзэмших, ашиглах эрхийн гэрчилгээгээ гэрээсээ хэвлэх боломжтойЧ:Уранхолбоо: 2 настай охины онгон хальс нь урагдсан гэсэн дүгнэлт гарсан боловч хэргийг хаасанЯвган хүний замыг хааж хашаа татсан барилгын компанид шаардах хуудас хүргүүллээШууд: НЦУГ-ын Мөрдөн шалгах газраас онц ноцтой гэмт хэргүүдийн талаар мэдээлэл хийж байнаЛ.Энх-Амгалан: Багшийн ажлын үр дүнг суралцагчийн сурлагын ахиц дэвшлээр тодорхойлноЭМЯ: ЕБС-ийн сурагчдыг сүрьеэгийн эрт илрүүлгийн үзлэгт хамруулнаА.Ариунзаяа: Хүүхдийн фондын мөнгийг "Хүүхдийн төлөө сан"-гийн дансанд албан ёсоор хүлээж ав12 настай Монгол хүү шатрын насанд хүрэгчдийн ДАШТ-аас мөнгөн медаль хүртжээӨрхийн эмнэлгүүдэд 45 жолооч сайн дураараа ажиллажээС.Энхболд: Сайн ажилтангууд хөдөлмөрөө шударгаар үнэлүүлдэг тогтолцоог бий болгохыг зорьж байнаШүүгчийн сургалтад технологийн шийдлийг ашиглах асуудлаар Азийн сангийн төлөөлөлтэй уулзав
Нөхөн сонгуульд ИЗНН-ын хууль ёсны бус нэр дэвшигчдийг СЕХ бүртгэсэн үү?

УИХ-ын 18, 28-р тойргийн нөхөн сонгуульд Ш.Гантулга, А.Бархүү нарыг нэр дэвшүүлжээ.

Гэвч ИЗНН-ыг төлөөлж байгаа эдгээр хүмүүс нэр дэвших эрхтэй юу? Намын дарга гэх Ц.Ганхуяг, дэд дарга Л.Ганхуяг, ЕНБД А.Бархүү нар нь тус намын гишүүд мөн үү? гэх асуултыг дэмжигч гишүүд асууж байна.

Учир нь Ц.Ганхуяг нь 2020 оны 10-р сарын 30-ны ИЗНН-ын Улс төрийн зөвлөлийн хуралдаанаар намын гишүүнчлэлээс албан ёсоор хасагдсан. Харин намын дэд дарга гэгддэг Л.Ганхуяг нь 2020 оны сонгуулийн үеэр нам болон нэр дэвшигчдийн нэрээр иргэдээс их хэмжээний мөнгө аваад зугтаасан талаар иргэд өргөдөл гаргажээ. Одоог хүртэл залилангийн шинжтэй энэ хэрэг нь цагдаагийн байгууллагад шалгагдаж байгаа гэнэ. Л.Ганхуяг нь өмнө нь залилангийн хэрэгт удаа дараа холбогдож байсан ба сошиал орчинд түүнийг эрэн сурвалжилж байгаа талаарх иргэдийн сэтгэгдэл олон бий.

Харин ИЗНН-ын ерөнхий нарийн бичгийн дарга гэсэн албан тушаалыг хууль бусаар өөртөө зүүсэн А.Бархүү нь ИЗНН-д 2020 оны 5-р сард элсэн орсон гэх нэртэй боловч яг энэ үед Ж.Батзандангийн Иргэний хөдөлгөөний намын Ерөнхий нарийн бичгийн даргаар ажиллаж, Иргэний хөдөлгөөний намаасаа орон нутагт нэр дэвших эрхээ авсан байсан гэх мэдээлэл бий.

Ц.Ганхуяг, Л.Ганхуяг, А.Бархүү нар нь ИЗНН-ын хууль ёсны дарга, намын гишүүд мөн эсэх нь эргэлзээтэй байгаа боловч энэ намын нэрийг барьж байна гэж намын зарим гишүүд нь үздэг.

Намын дарга байсан Ц.Ганхуяг нь энэ намд олон жил байхдаа намын гишүүддээ хүрч ажиллаж байгаагүйгээр барахгүй хувийн ашиг хонжоо хайж тус намыг бусад намын “тоглоом” болгож ирснийг нь намын шударга гишүүд нь илчилж намаасаа арга буюу хөөсөн гэх мэдээлэл байдаг. Ц.Ганхуягийг ИЗНН-ын тамга, тэмдгийг хууль бусаар дахин шинээр хийлгэж авсан гэх  мэдээлэл бий.

Ийнхүү ИЗНН-ыг төлөөлөх эрхгүй буюу намаасаа хөөгдсөн, энэ намын гишүүн биш эсэх нь эргэлзээтэй дээрх этгээдүүд УИХ-ын 2021 оны нөхөн сонгуульд нэр дэвшүүлснийг намын дэмжигчид шүүмжлэлтэй хандаж байгаа.

Мөн олон улсын тоймч Ш.Гантулга ИЗНН-аас СХД-ийн 28-р тойргийн нөхөн сонгуульд нэр дэвшсэн нь намын дүрмийг ноцтойгоор зөрчжээ. Тэрээр хэзээ, хэрхэн ИЗНН-ын гишүүн болсон тодорхойгүй бөгөөд намын удирдах шатны байгууллагатай уулзаж байсан удаагүй юм. Ш.Гантулгыг Сонгинохайрхан дүүрэгт нэр дэвшүүлсэн нь МАХН-ын дарга асан Н.Энхбаярын захиалгаар хүү Э.Батшугарыг энэ тойрогт гаргах ашиг сонирхлоор дэвшүүлсэн байх магадлал өндөр гэж олны дунд яригдаж байна. Учир нь ИЗНН-ын Үндэсний хороо албан ёсоор хуралдаж нөхөн сонгуульд нэр дэвшигчдийг тодруулж гаргах ёстой байтал Сонгинохайрхан дүүрэгт Ш.Гантулга, Хэнтийд А.Бархүү энэ хоёр намын бус хүмүүсийг албан ёсны хуралдаангүйгээр “хуурамч” тамганы батламжаар нэр дэвшүүлсэн болохыг намын шударга гишүүд нь хэлж байна.

 

Х.БАДРАЛ

Утас: 9950-1269
Имэйл: snews.mn@gmail.com
Snews.mn © Зохиогчийн эрхийг хуулиар хамгаалсан.