Уншиж байна...
НӨАТ-ын буцаан олголтын мөнгийг иргэдийн данс руу шилжүүлж эхэлжээЖ.Болдбаатар: Хуулийн уламжлалыг хадгалж, сайн үзэл баримтлалыг шинэчлэн, хуульд тусгах нь эрх зүйн хөгжлийн зүй тогтол юмГурав дахь тунд хамрагдсанаар нас баралт болон хүндээр өвчлөх эрсдэл буурнаУлаанбаатар театрын дүрмийн төслийг танилцууллааГазар эзэмших, ашиглах эрхийн гэрчилгээгээ гэрээсээ хэвлэх боломжтойЧ:Уранхолбоо: 2 настай охины онгон хальс нь урагдсан гэсэн дүгнэлт гарсан боловч хэргийг хаасанЯвган хүний замыг хааж хашаа татсан барилгын компанид шаардах хуудас хүргүүллээШууд: НЦУГ-ын Мөрдөн шалгах газраас онц ноцтой гэмт хэргүүдийн талаар мэдээлэл хийж байнаЛ.Энх-Амгалан: Багшийн ажлын үр дүнг суралцагчийн сурлагын ахиц дэвшлээр тодорхойлноЭМЯ: ЕБС-ийн сурагчдыг сүрьеэгийн эрт илрүүлгийн үзлэгт хамруулнаА.Ариунзаяа: Хүүхдийн фондын мөнгийг "Хүүхдийн төлөө сан"-гийн дансанд албан ёсоор хүлээж ав12 настай Монгол хүү шатрын насанд хүрэгчдийн ДАШТ-аас мөнгөн медаль хүртжээӨрхийн эмнэлгүүдэд 45 жолооч сайн дураараа ажиллажээС.Энхболд: Сайн ажилтангууд хөдөлмөрөө шударгаар үнэлүүлдэг тогтолцоог бий болгохыг зорьж байнаШүүгчийн сургалтад технологийн шийдлийг ашиглах асуудлаар Азийн сангийн төлөөлөлтэй уулзав
В.Үнэнбат: Есдүгээр сарын 15-наас ургац хураалтын ажил эхэлнэ

Хүнс, хөдөө аж ахуй, хөнгөн үйлдвэрийн яамны Газар тариалангийн бодлогын хэрэгжилтийг зохицуулах газрын дарга В.Үнэнбатаас ургац хураалтын бэлтгэл ажлын талаар тодрууллаа. 

-Ургац хураалтын бэлтгэлийг хэрхэн хангаж байна вэ? 

-Энэ жил манай улс 616 мянган га-д тариалалт хийсний 385 мянган га нь улаанбуудай. Ургац хураалтын ажилд бүх шатанд бэлтгээд явж байна. Диллер аж ахуйн нэгжүүд ОХУ болон бусад улсаас ургац хураалтад шаардлагатай 50 гаруй комбайн зэрэг техник оруулж ирж байгаа. Эдгээр техникүүд Гааль болон НӨАТ-аас чөлөөлөгдсөн.

Мөн Хөдөө аж ахуйг дэмжих сангаас ургац хураалтын түлшний дэмжлэг олгож байна. Ерөнхийдөө тарианы 70 гаруй хувь нь аарцан болцондоо ороод явж байгаа. Есдүгээр сарын 15-наас ургац хураалтын ажил эхлээд жигдрээд явна. 

-Цаг агаарын урьдчилсан мэдээллээр энэ сарын сүүлээр цочир хүйтрэх төлөвтэй байна гэсэн. Тэгэхээр энэ нь таримлын болц, ургац хураалтад нөлөөлөх үү? 

-Цаг уур, орчны шинжилгээний газраас гаргасан урьдчилсан мэдээллээр наймдугаар сарын сүүлийн 10 хоногийн эхэн болон төгсгөлөөр цочир хүйтрэх төлөвтэй гэсэн мэдээлэл байгаа. Тиймээс тариаланчид болц дутуу байгаа таримлыг хяруу, цочир хүйтрэлтээс хамгаалж утаа май тавих, мөн төмс, хүнсний ногоог хураах явцад хөлдөж, хайрагдахаас хамгаалах хучлага бэлтгэх зэргээр эрсдэлээс сэргийлэх хэрэгтэй. 

Түүнчлэн хөдөө орон нутагт ургац тогтоолтын ажил явагдаж байна. Манай яам, Ургамал, газар тариалангийн хүрээлэн зэрэг байгууллагын нэгдсэн ажлын хэсэг гарч ургац тогтоолт болон эрсдэлийн үнэлгээ хийж байгаа. 

-Энэ жил дотоодынхоо улаанбуудайн хэрэгцээг бүрэн хангах боломжтой юу? 

-Нэг га-гаас 12 центнер гээд тооцвол 470 орчим мянган тонн улаанбуудай авна. Манай дотоодын улаанбуудайн хэрэгцээ 300 гаруй мянган тонн гэхээр урьдчилсан байдлаар энэ хэрэгцээгээ 100 хувь хангах боломжтой. 

-Ургац хураалтад ажиллах хүчийг хэрхэн бэлтгэж байна вэ?  

-Засгийн газрын энэ оны наймдугаар сарын 11-ний өдрийн тогтоолоор ургац хураалтын ажлыг технологийн хугацаанд дуусгах, цар тахлын үед хүнсний хангамж, нөөц бүрдүүлэх зорилгоор тус ажилд их, дээд сургууль, мэргэжлийн сургалт үйлдвэрлэлийн төвийн оюутан, сонсогч, цэргийн алба хаагчид болон ажил хайж байгаа иргэдийг оролцуулахаар болсон.

Энэ тогтоолын хүрээнд ажиллах хүчний захиалгыг аж ахуйн нэгжүүдээс авч нэгтгэн холбогдох байгууллагуудад хүргүүлж байна. Ургац хураалтад урьдчилсан байдлаар 8,000 гаруй ажлын байрны захиалга ирсэн. Энэ тоо бага зэрэг нэмэгдэх төлөвтэй байна. 
 

 
 
Эх сурвалж: ХХААХҮЯ
Утас: 9950-1269
Имэйл: snews.mn@gmail.com
Snews.mn © Зохиогчийн эрхийг хуулиар хамгаалсан.