Уншиж байна...
300 мянган төгрөг авч чадаагүй иргэдийн анхааралдГерманд ажиллаж буй Б.Энхмаа эмч коронавирусийн эмчилгээний талаар зөвлөмж өгч байнаСанхүүгийн МАЦАГ барих 5 зарчимХөл хорионы өдрүүдэд дугаарын хязгаарлалтад орохгүй байгууллагууд...АН-ыг хоёр тамгатай болгосон шүүгчдэд хариуцлага оногдуулжээСолонгосын Засгийн газар гадаад ажилчдын визний хугацааг нэг жилээр сунгахаар боллооҮндсэн хуулийн цэцийн гишүүний албан тушаалд нэрээ дэвшүүлэх бүртгэлийн хугацааг сунгажээС.Баярцогт, Ч.Сайханбилэг, Да.Ганболд, Б.Бямбасайхан, Д.Эрдэнэбат, Б.Болор, Г.Батхүү, М.Батчимэг, Х.Тэмүүжин, Лу.Гантөмөр, Н.Алтанхуяг, Ц.Элбэгдорж, Э.Бат-Үүл, С.Эрдэнэ нарын АРДЧИЛАГЧИД хэний ӨС ХОНЗОНГИЙН бай боловФото: Кпопын хамгийн халуухан, төгс биетэй эрэгтэй ододОрж ирээгүй оффшорын мөнгө ба Ерөнхийлөгчийн 1 сая дахин бүдэрлээЖ.Байгалмаа: Хөл хорионы дараа халдварын тоо буцаад өсөхөөр харагдаж байнаШӨХТГ-аас IPTV болон үүрэн холбооны оператор компаниудад шаардлага хүргүүлжээКоронавирусний халдварын улмаас 20 настай эрэгтэй нас баржээДээд шүүхийн танхимын бүрэлдэхүүнийг шинээр баталлааАвлига гэж юу вэ?
ЭМЯ: Хөл хориог дэмжихгүй бол ЯАХ ВЭ?

Эрүүл мэндийн яамнаас халдварын тархалтыг хумихын тулд 28 хоногийн хатуу хөл хориог тогтоох шаардлагатай гэсэн саналыг Засгийн газрын хуралдаанаар өчигдөр /2021.04.07/оруулсан юм.  Гэвч Засгийн газар хөл хориог дэмжихгүй гэсэн байр сууриа хэвээр  хадгалсан талаар бид мэдээлсэн. Засгийн газар ЭМЯ-нд цар тахлын эсрэг авах хариу арга хэмжээний төлөвлөгөөг боловсронгуй болгоод, дахин шийдлээ танилцуул гэсэн чиглэлийг өгсөн байна.

Энэ дагуу ЭМЯ-наас Засгийн газраас бүх нийтийн бэлэн байдлын зэрэгт шилжихийг дэмжихгүй байгаа тохиолдолд дараах нийгмийн арга хэмжээг хэрэгжүүлэх зөвлөмжийг хүргүүлэхээр болжээ.

ҮҮНД:

  1. Нийслэлийн хэмжээнд дөрөвдүгээр саарын 7-ны өдрөөс эхлэн хоёр сарын хугацаатай оройн 20.00 цагаас өглөөний 06.00 цагийн хугацаанд хязгаарлалттай хөл хориог хэрэгжүүлэх,
  2. Амралтын өдрүүдэд хөл хориог хэрэгжүүлэх,
  3. Олон нийтийн үйлчилдэг үйлчилгээний чиглэлийн найман төрлийн үйлчилгээг хүргэлт, түгээлтийн үйлчилгээнд шилжүүлэх,
  4. Нийслэлд үйл ажиллагаа нь доголдож болохгүй онцгой объект /стратегийн ач холбогдол бүхий томоохон үйлдвэрүүд, цахилгаан станц зэрэг/ газруудыг тодорхойлон, эдгээр байгууллагуудын ажилтнуудыг яаралтай дархлаажуулах, дархлаа тогтох хүртэлх хугацаанд 5-7 хоног тутам PCR шинжилгээ хийж, тандалт хийх,
  5. Хөдөө орон нутагт үйл ажиллагаа явуулдаг объект /стратегийн ач холбогдол бүхий томоохон үйлдвэрүүд, цахилгаан станц зэрэг/ газруудыг тодорхойлон, газруудыг тодорхойлон, эдгээр байгууллагуудын ажилтнуудыг яаралтай дархлаажуулах, дархлаа тогтох хүртэлх хугацаанд 5-7 хоног тутам PCR шинжилгээ хийж, тандалт хийх,
  6. Эрүүл мэндийн байгууллагад хэвтэн эмчлүүлэгчийг 5-7 хоног тутам PCR шинжилгээнд хамруулах,
  7. Халдвар өргөн тархах өндөр эрсдэлтэй асрамжийн газар, саатуулах байр, хорих анги, цэргийн анги зэрэг хаалттай орчинд халдвар тархахаас урьдчилан сэргийлэх арга хэмжээг зохион байгуулах,
  8. 60 буюу түүнээс дээш насны хүмүүсийг гэрийн хөл хорионд оруулах, гэрээсээ ажиллах боломжоор хангах, нийгмийн халамж үзүүлэх /хүнсний тусламж гэх мэт/, мөн дархлаажуулалтад эрчимтэй хамруулах,
  9. Эдгээр арга хэмжээтэй хамт вакцины нөөцийг үргэлжлүүлэн хангах, дархлаажуулалтын хамралтыг нэмэгдүүлэх,
  10. Эмнэлгийн байгууллагад дэгдэлт гарч, эмнэлэг шилжүүлэх, эмнэлгийн үйл ажиллагааг хаах, нээх үед баримтлах стратеги боловсруулан хэрэгжүүлэх,
  11. Бүх хэвлэл мэдээллийн хэрэгслээр хязгаарлалт, хөл хорио болон халдвараас урьдчилан сэргийлэх дэглэмийг хэрэгжүүлэх талаар хүн амд чиглэсэн мэдээлэл сурталчилгааг эрчимжүүлэх гэсэн эдгээр зөвлөмжийг хүргүүлэхээр бэлтгэсэн байна.
Утас: 9950-1269
Имэйл: snews.mn@gmail.com
Snews.mn © Зохиогчийн эрхийг хуулиар хамгаалсан.