АТГ-аас нүүрсний хулгайд шууд болон шууд бусаар оролцож, нөлөөлсөн байж болзошгүй 17 хүний нэрийг зарласан. Эдгээр нэрсийн дунд одоогийн УИХ-д гишүүнээр ажиллаж байгаа 8 хүн бий. Эдгээрээс нүүрсний хулгайтай холбогдож буй Ж.Мөнхбат, А.Адъяасүрэн, Ш.Раднаасэд нарыг яллагдагчаар татсан гэдэг мэдээлэл байна.
Эргэн сануулахад... Эрдэнэс Тавантолгойн гүйцэтгэх захирал асан Д.Ариунболдыг саатуулахад нүүрсний хулгайн ашгаас хүртэгчээр Ж.Мөнхбат нэрлэгдэж байсан. Харин А.Адъяасүрэн гишүүн 2020 оны УИХ-ын сонгуулийн өмнө өөрийн хамаарал бүхий нүүрс тээврийн компаниуддаа С зөвшөөрөл авахын тулд АТҮТ-ийн албан тушаалтанд авлига өгсөн хэргээр шалгагдсан байдаг.
Ямартай ч АТГ-аас анхны зарласан 17 нэрсэд дээрх гурван гишүүнээс гадна УИХ-ын гишүүн П.Сэргэлэн, Б.Баттөмөр, Н.Наранбаатар, Б.Бат-Эрдэнэ нар багтсан билээ.