Японы автомашин үйлдвэрлэгч "Toyota" компани алдарт Prius машиныхаа шинэчилсэн загварыг Токио хотод болсон арга хэмжээний үеэр танилцуулжээ.
Дэлхийн ихэнх үйлдвэрлэгчид цахилгаан хөдөлгүүртэй автомашин бүтээхээр өрсөлдөж эхэлсэн бол "Toyota" компани цахилгаан, бензин хосолсон хайбрид хөдөлгүүрт найдсан хэвээр байгаагаа ийнхүү харуулсан байна.
Шинэ загварт хуучин nickel-metal-hybrid батарейг овор багатай, хөнгөн lithium-ion батарейгаар сольсон юм байна. Ингэснээр шинэ Prius-ийн хөдөлгүүр өмнөх загварынхаасаа бараг хоёр дахин хүчтэй болж, богино хугацаанд хурдлах чадвар сайжирч, 60 орчим км илүү туулдаг болжээ.
Эх сурвалж:CNBC