МХЕГ-ын үндсэн чиг үүргийн нэг нь иргэдээ учирч болох эрсдэлээс хамгаалахад оршиж байх учиртай. Гэтэл эсрэгээрээ төрийн нэрээр ард иргэдээ айлгадаг, сүрдүүлдэг, хүнд суртал үзүүлдэг тогтолцоотой явж байгаа. 

Иймээс МХГЕ-ыг татан буулгаж, 26 чиг үүргийг нь сайтар задалж, ихэнхийг нь холбогдох яамд руу нь шилжүүлэх саналыг гаргаад байна. Ингэснээр ЗГХЭГ нь яам, агентлагийн болон аймаг, нийслэлийн мэргэжлийн хяналтыг толгойлдог болох төлөвлөгөөтэй байна.

Тиймээс МХЕГ-ыг татан буулгаж, чиг үүргийг яамд руу хуваарилахын давуу талыг дурдвал...

• МХЕГ гэдэг ААН, иргэдийг төрийн нэрээр дарамталдаг том бүтэцтэй, данхайсан байгууллага задарна
• Улсын байцаагчид буюу хяналт шалгалт хийдэг хүмүүсийн авлигад өртөх нөхцөл багасна
• Яамдын хяналтын тогтолцоо сайжирна
• ЗГХЭГ-ын дэргэд төрийн хяналт шалгалт ирснээр иргэдэд очих дарамт багасаж, иргэдэд учирч болох эрсдэлээс хамгаалах зэрэг эерэг талууд бий болох боломжтой.

Ямартай ч МХЕГ татан буугдаж, чиг үүрэг нь задарсан тохиолдолд урт хугацаандаа төрийн хяналтын тогтолцоонд эерэг дүр зураг ажиглагдана гэж мэргэжилтнүүд харж байна.