ОХУ-ын Ерөнхийлөгч Путин өнгөрсөн лхагва гарагт /09.21/ хэсэгчилсэн дайчилгаа явуулна хэмээн мэдэгдсэн юм. Үүнээс хойш тус улсаас гарах иргэдийн тоо огцом нэмэгдэж, визгүй зорчдог хөрш зэргэлдээ Монгол, Казахстан, Гүрж зэрэг улсууд руу маш ихээр гарах болжээ.
Тодруулбал,
Монгол Улсын Алтанбулаг боомтод ачаалалгүй, хэвийн байна. Харин ОХУ-ын Хиагт хотын Хиагт боомт ачаалалтай. Энгийн үед 4-5 машин л хил нэвтрэхээр дугаарладаг байсан бол одоо 5 эгнээ нэвтрэх хэсгийн 4 эгнээ дүүрэн бөгөөд хүмүүс 18-24 цаг дугаарлаж хил нэвтэрч орж ирж байна гэсэн мэдээлэл байна.