Цар тахлын оргил үед ч дотооддоо ганц тохиолдолгүй байсан БНАСУ-д коронавирусний халдвар бүртгэгдсэн талаар бид мэдээлсэн. Тэгвэл одоогийн байдлаар халдварын тоо эрс нэмэгдэж 18.000 тохиолдол болсон бол халдварын улмаас 6 хүн нас баржээ.
Одоогийн байдлаар БНАСУ-д өндөржүүлсэн бэлэн байдал зарлаж, хөл хорио тогтоогоод байгаа бөгөөд тус улсын Хөдөлмөрийн намын Төв хорооноос вирусийн тархалтыг сааруулах зорилгоор бүх нутаг дэвсгэрт хатуу хөл хорьж, орох гарах гарцыг хаах тушаал өгсөн байна.
БНАСУ нь цар тахлаас сэргийлэхийн тулд сүүлийн хоёр жилийн турш хилээ хаагаад байсан бөгөөд Дэлхийн Эрүүл Мэндийн Байгууллагын дэмжлэгтэй COVAX вакцин түгээх хөтөлбөрийн тусламжаас татгалзаж байсан юм.
